Malunga noluqeqesho:

Ukuqeqeshwa kootitshala besiXhosa njengoLwimi Lwasekhaya: Iindlela eziSebenzayo zokuFundisa ukuFunda nokuBhala

Inkcazo yoqeqesho:

Olu qeqesho lunika ooTitshala besiXhosa iindlela ezisebenzayo zokufundisa ukuFunda nokuBhala. Injongo kukubonelela ootitshala ngezakhono eziqinileyo, ezisekelwe kuphando, ukuze bakwazi ukuphuhlisa izakhono zolwimi kubafundi babo ngendlela ephumelelayo.

Kolu qeqesho uza kufunda ngoku kulandelayo:

• Iindlela ezahlukeneyo zokufundisa ukufunda nokubhala ngesiXhosa.
• Inkqubo yokufundisa izandi zesiXhosa ngokucacileyo nangokucwangcisekileyo.
• Indibaniselwano yoLwimi neZakhono zoBomi (Life Skills) kwinkqubo yokufundisa.
• Ukubaluleka kokusebenzisa imixholo (themes) ekufundiseni isiXhosa ngendlela enomxholo, enomdla nefundisayo.
• Ucwangciso lwezifundo ezibandakanya abafundi, nezinxulumene nenkcubeko yabo kunye nemeko yabo yemihla ngemihla, ngokuhambelana neemfuno ze-CAPS.

Ngubani oya kuxhamla?

Ootitshala besiXhosa kuMgangatho osisiSeko, abacebisi bezifundo, kunye nabaququzeleli beekharityhulam.

Izibonelelo zoluqeqesho:

• Ukuzithemba ekufundiseni abafundi izandi kunye nezakhono zokufunda ezisisiseko.
• Ukuqonda indlela yokudibanisa uLwimi neZakhono zoBomi ukuze kufundiswe ngobomi bokwenene.
• Ukuqonda indlela esebenzayo yokusebenzisa imixholo (themes) ukukhuthaza ukufunda olunentsingiselo.
• Uya kufumana izixhobo ezisebenzayo, imizekelo, kunye neethempleyithi zocwangciso lwezifundo onokuzisebenzisa kwangoko.